Billow

营业中

休息中

老板包场请客，顺理成章咁到访最近几红嘅打卡餐厅。-餐厅位置偏僻，有两层，整幢是白色仿童话欧陆豪宅设计，如堡垒，邻近圣诞节更有圣诞老人吹气公仔，份外可爱。用餐地区分两部份，是次用餐地方系西餐厅位置，以西式云石设计，半开放式厨房，有水吧，大玻璃使透光度十足。餐厅旁边有小径行去系草地同水塘，环境舒服清幽。据社交媒体报道，水塘有水上单车作玩乐之用。-有某几位店员唔熟手，有礼勤力。-是日海鲜 烤焗蔬菜有鱼、配菜、奶白色酱汁。鱼已变坏，一食即吐，好差。-美国安格斯肉眼 烤焗蔬菜原本点嘅主菜变坏，改成牛扒，要五成熟，最后上枱七成熟，牛扒大小适中，肉味唔太浓，唔韧，超油，好似浸完油再拎去摆盘咁，分唔到系油定系肉汁。酱汁唔香、唔浓，带咸。配菜种类多，好油，味道唔错。-整体而言，拎坏咗嘅食物比客人食系唔可以接受，安格斯肉眼都唔出色，食物质素有待改善。餐厅打卡位超多，偶有小猫三四只，Hea半日冇难度。