影片
更多
2007-07-30
2 浏览
Honey 生日饭, 4日前就订位, 点知仅有的3张window seat都full了, 经理就主动预留张最隐闭的位给我; 电话中顺便order蛋糕兼插蜡烛, 佢就话到时上dessert插埋俾我, 问埋寿星公的名字, 仲话揾人唱埋歌! 对于呢间餐厅十分期待, 毕竟都系十大好评餐厅吧!!事前已经讲明只预留最多10mins, 幸好我们都准时到; 环境同格局都相当唔错, 蓝蓝地很有情调! 他们果然预留了一张最隐闭的卡位位置, 还有烛光...之前看过其他食评, 都担心份量不够, 所以我们order了一个$398情趣二人餐, 算是最贵的二人餐:头盘- 餐饱- 暖笠笠, 配非一般的香草牛油, 好好味烟三文鱼沙律- ok薯蓉焗田螺- 超级好味, 焗到薯蓉面脆脆地, 记得趁热食!海鲜拼盘- 一流!!!!超级推介! 散叫都要$128, 有蓝贝, 蚬, 虾, 蜗牛, 生蚝, 全部冻食, 仲有3款酱汁, 虾仲鲜甜过蓝贝, 好好味! 感觉似主菜多过头盘, 因为食完都饱左一半了!南瓜汤- 好重南瓜味, 不过上晒头盘食完餐饱先饮汤, 奇奇怪怪...自选主菜- 羊膝- 由于海鲜拼盘已经饱了一半, 所以感觉麻麻地,
事前已经讲明只预留最多10mins, 幸好我们都准时到; 环境同格局都相当唔错, 蓝蓝地很有情调! 他们果然预留了一张最隐闭的卡位位置, 还有烛光...
之前看过其他食评, 都担心份量不够, 所以我们order了一个$398情趣二人餐, 算是最贵的二人餐:
头盘-
餐饱- 暖笠笠, 配非一般的香草牛油, 好好味
烟三文鱼沙律- ok
薯蓉焗田螺- 超级好味, 焗到薯蓉面脆脆地, 记得趁热食!
海鲜拼盘- 一流!!!!超级推介! 散叫都要$128, 有蓝贝, 蚬, 虾, 蜗牛, 生蚝, 全部冻食, 仲有3款酱汁, 虾仲鲜甜过蓝贝, 好好味! 感觉似主菜多过头盘, 因为食完都饱左一半了!
南瓜汤- 好重南瓜味, 不过上晒头盘食完餐饱先饮汤, 奇奇怪怪...
自选主菜-
羊膝- 由于海鲜拼盘已经饱了一半, 所以感觉麻麻地, 兼且有点儿"so"
海鲜带子意粉- 好细碟, 带子原来得一粒, 有点"孤寒", 不过已经饱到7-8成, 其实份量是刚刚好的, 再多亦食不完
高潮: 甜品+神秘节目-
事实order的蜡烛和生日歌, 随著甜品而送上, 3位waiter送过来, 一齐唱生日歌, 最有趣的是唱完就放2个小花炮就是令大家非常surprise!!! 其他人的目光都望著我地的位置!
朱古力雪糕批- oreo做饼底, 加上士多啤梨, 云呢嗱, 朱古力的三色雪糕, 比想像中更好味!
蕉糖布甸, 甜甜地, 一样好味!
餐饮- 冻柠茶, 一旧柠檬插在杯边, 要自己挤柠汁落杯茶=.=
总括来说, 其他食评人讲得无错, 收碟比我相像中快! 海鲜拼盘比主菜更加好味, 真是"妹仔大过主人婆"! 但相比在酒店食dinner, 呢间真系不错的选择, 尤其是情侣的纪念/生日饭就更加要推介!
附送了$100 coupon, 希望有机会再去试!
张贴