影片
更多
2015-05-27
4465 浏览
寻日男朋友生日，1早book左枱食饭，睇openrice见到咁多好评，就决定1试。2人餐caesar salad加欧陆海鲜拼盘做前菜，男朋友唔好生冷野，另外叫多个西班牙小食拼盘。沙律几好，酱同料比例岩岩好，唔似出面，1系酱多到浸死啲菜，1系少到得2滴，而且菜亦好fresh好脆，冇窿亦冇干到㶶边，大细刚刚好，叉住就食得，唔会要你擘大个口好似食人咁，又唔洗搏老命切。西班牙小食好醒胃，小小辣，男朋友唔系好食得辣都食得好开心。跟住就系海鲜拼盘，超新鲜，每1样都可以食到海鲜既甜味，特别系生蚝同蓝贝更加惊喜，食唔到海水腥味，唔加酱汁，入口觉得好juice，同好想追多只黎食！餐汤系周打蚬汤，1粒粒既蚬已经令我非常开心，因为我本身都几钟意饮依个汤，周围都系冇蚬肉兼且10足稀释白汤，但依度真系唔同，有蚬肉，仲落左烟肉令佢更香，但烟肉太大块，如果可以转粒状会更加正！食到依度，我地2个已经开始饱饱地。男朋友食西餐惯性食扒，我就较喜欢食意大利饭(如有)，佢拣左T骨扒，我拣左墨汁意大利饭。扒既火候好好，要7成真系比7成，不多不少，我唔系做厨，唔敢话佢exactly系7成，但佢唔系搏老命用火烧到外面10成而入面仲
2人餐
caesar salad加欧陆海鲜拼盘做前菜，男朋友唔好生冷野，另外叫多个西班牙小食拼盘。
沙律几好，酱同料比例岩岩好，唔似出面，1系酱多到浸死啲菜，1系少到得2滴，而且菜亦好fresh好脆，冇窿亦冇干到㶶边，大细刚刚好，叉住就食得，唔会要你擘大个口好似食人咁，又唔洗搏老命切。
西班牙小食好醒胃，小小辣，男朋友唔系好食得辣都食得好开心。
跟住就系海鲜拼盘，超新鲜，每1样都可以食到海鲜既甜味，特别系生蚝同蓝贝更加惊喜，食唔到海水腥味，唔加酱汁，入口觉得好juice，同好想追多只黎食！
餐汤系周打蚬汤，1粒粒既蚬已经令我非常开心，因为我本身都几钟意饮依个汤，周围都系冇蚬肉兼且10足稀释白汤，但依度真系唔同，有蚬肉，仲落左烟肉令佢更香，但烟肉太大块，如果可以转粒状会更加正！
食到依度，我地2个已经开始饱饱地。
男朋友食西餐惯性食扒，我就较喜欢食意大利饭(如有)，佢拣左T骨扒，我拣左墨汁意大利饭。扒既火候好好，要7成真系比7成，不多不少，我唔系做厨，唔敢话佢exactly系7成，但佢唔系搏老命用火烧到外面10成而入面仲流紧血果种，佢系内外都好平均，切既时候冇渗血，咬落好嫩，唔会鞋烚烚。而我个墨汁意大利饭就有啲失望，除左好靓之外，冇乜特别。
2个主菜都偏咸，特别系意大利饭，食头2啖都ok，食多2啖已经咸到唔想再摆入口。
最后就系上甜品，我预先安排要雪葩同雪糕，估唔到男朋友佢又真系谂住嗌雪葩。嗌既时候佢话得香蕉味，我知佢唔好甜野，所以安排要柠檬味，清清地，惊紧佢出只蕉比我既时候，好彩佢真系出个柠檬比我。拼朱古力雪糕，酸下甜下既味道真系好清新，本身食到好漏好饱，都比个酸味提番哂神。
落楼个肚由平腹变大左3,4个月，男朋友话我好夸张，其实佢都同我1样逼爆件衫，哈哈。值得再去，但下次唔会嗌多个拼盘喇，真系食唔哂！
张贴
