釧

营业中

休息中

事隔多年，第三次嚟呢一間半島酒店入面嘅日本餐廳，估唔到仍然保持高水準！朋友請我過嚟食生日飯，因為減肥唔食飯/壽司，所以就叫咗是日最新鮮嘅刺身拼盤，大家睇相都感受到幾咁新鮮，隔住個mon都感受到係幾咁好味，睇下刺身嘅厚度，簡直係令口感昇華！仲有我最愛嘅海膽，超級鮮甜，真係食極都唔夠 。另外仲叫咗炸蝦天婦羅，一份兩隻，連埋蝦頭炸，啲炸粉薄薄一層咁包住鮮蝦，咬落去隻蝦嘅蝦肉仲係彈牙，唔係比死蝦嚟做天婦羅，炸粉唔厚，又係另一個層次，呢到嘅天婦羅都非常出色！仲有好大隻嘅怪物令和生蠔🦪！又大隻又好味，又新鮮真係好難令人唔愛上。一邊打呢篇食評，個肚就一邊打鼓，真係好想再返去食，我覺得呢一間嘅新鮮度係同日本係直接媲美，再加上半島酒店嘅服務，完全係有加乘作用，約人喺度食飯冇得輸啦 。