影片
更多
2023-08-07
126 浏览
大只仔今次觅食嘅店舖就系💥 Bischofia by Mood 💥大只仔今次介绍一间观塘新开轻食咖啡店，餐厅今年6月开业，短短唔够2个月已经成为九龙东观塘牛头角商业区人气店，咖啡店行生活品味路线，装修以天然木色为主，仲有不少绿色植物装饰，环境十分舒适，提供一个慢活生活文化环境，而且餐厅食物以「健康生活品味」为元素，除咗提供energy bowl、salad、低卡食物外，仲有「营养师之选」食物提供，十分健康，好啱注重健康嘅OL，就算连甜品都唔会太甜，大只仔食完餐厅嘅雪糕苹果批后真系爱上。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服务 ⭐️⭐️⭐️⭐️⭐️环境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 雪糕苹果批 $68（另加一服务费）看似平凡，估唔到味道十分有惊喜，苹果批超级好食，焦糖苹果唔酸带微甜，饼底够酥脆。餐厅选用唔酸嘅苹果，就唔需要用大量甜味盖过酸味，酸甜比例恰到好处，十分欣赏。另外烘焙师好聪明碟上洒上抹茶粉，除咗装饰之外，云呢拿雪糕溶掉之后，与抹茶粉混合可以减低雪糕甜味，味道好平衡。整个甜品食落口好舒服，唔会太甜，完全冇罪恶感，系
💥 Bischofia by Mood 💥
大只仔今次介绍一间观塘新开轻食咖啡店，餐厅今年6月开业，短短唔够2个月已经成为九龙东观塘牛头角商业区人气店，咖啡店行生活品味路线，装修以天然木色为主，仲有不少绿色植物装饰，环境十分舒适，提供一个慢活生活文化环境，而且餐厅食物以「健康生活品味」为元素，除咗提供energy bowl、salad、低卡食物外，仲有「营养师之选」食物提供，十分健康，好啱注重健康嘅OL，就算连甜品都唔会太甜，大只仔食完餐厅嘅雪糕苹果批后真系爱上。
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般/正常
1⭐️ 差
味道 ⭐️⭐️⭐️⭐️⭐️
抵食 ⭐️⭐️⭐️⭐️
服务 ⭐️⭐️⭐️⭐️⭐️
环境 ⭐️⭐️⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
Bischofia by Mood
9 浏览
0 赞好
0 留言
🔥 雪糕苹果批 $68（另加一服务费）
看似平凡，估唔到味道十分有惊喜，苹果批超级好食，焦糖苹果唔酸带微甜，饼底够酥脆。
餐厅选用唔酸嘅苹果，就唔需要用大量甜味盖过酸味，酸甜比例恰到好处，十分欣赏。
另外烘焙师好聪明碟上洒上抹茶粉，除咗装饰之外，云呢拿雪糕溶掉之后，与抹茶粉混合可以减低雪糕甜味，味道好平衡。
整个甜品食落口好舒服，唔会太甜，完全冇罪恶感，系一款食完会令人开心嘅甜品。
大只仔真系好欣赏餐厅嘅pastry，下次有机会真系要试一吓餐厅嘅卷蛋同蛋糕。
雪糕苹果批
$68
13 浏览
0 赞好
0 留言
雪糕苹果批
$68
11 浏览
0 赞好
0 留言
🔥 烟三文鱼牛油果吐司 $88（另加一服务费）
属于自选吐司系列，$78可以任拣两款配料，$88三款，$98四款，包括蛋黄酱 或者 牛油果酱。
大只仔拣咗 烟三文鱼 + 牛油果 再配上 牛油果酱。
吐司系合桃酸种面包，吐司边位够脆，中间位置软熟，面包上搽满厚厚嘅牛油果酱，牛油果味道超级香浓，加上新鲜烟三文鱼，真系又健康又好味，亦可以唧少少柠檬汁轻轻提味。如果可以加多少少沙律菜就更加 perfect。
烟三文鱼牛油果吐司
$88
9 浏览
0 赞好
0 留言
烟三文鱼牛油果吐司
$88
12 浏览
0 赞好
0 留言
🔥 升级饮品 +$18（另加一服务费）
自选吐司餐，可以 $8加配咖啡，其他饮品加$18，大只仔就 +$18拣咗「抹茶豆奶」，属于「营养师之选」，用冇糖纯豆奶冲制，唔甜，豆奶顺滑，豆味浓烈，因为冇糖，可以饮得出抹茶苦涩味，钟意浓烈抹茶味道嘅朋友一定好喜欢。
升级饮品 - 抹茶豆奶
$18
10 浏览
0 赞好
0 留言
温馨提示：
餐厅现时做紧Soft Opening，提供早餐 8:30am营业，未提供晚餐时段，之后营业时间可能会变更。
张贴
