Bistro La Baie

营业中

休息中

🐼 上次到访呢间海边嘅法式 bistro，觉得气氛好好，于是今次带埋妈妈一齐嚟试下其他菜式。杂菌烩薏米饭、黑松露泡沫 $178 - 上枱见到面头有一大堆泡沫，非常打卡able。杂菌量比得好多，咬落口烟烟韧韧，加上薏米嘅质地估唔到又几夹。和牛芝士汉堡、焦糖洋葱、腌青椒、薯条 $198 - 好好食㖞！有平时去食burger舖嘅水准，喺法国野餐厅最推荐嘅菜式竟然系呢个啊🤣油封鸭腿、扁豆、香肠 $228 - 摆盘同样都系好靓。鸭腿下边有扁豆、红萝卜等等，呢间餐厅用一个香浓嘅酱汁煮呢啲杂菜，非常惹味。侍应overall都有礼貌，而且举手都好快应你 👍🏻 今时今日嚟讲其实唔系好多间餐厅都做到食完饭再喺将军澳海旁散吓步，一路欣赏海景，一路帮助消化，成个晚餐体验几唔错。