影片
更多
2011-01-17
169 浏览
收左工，又未到食饭时候，所以就约左几位 Auntie 喺 Blue Bar 到摸下酒杯底，联络下感情。一入 Blue Bar 门口已经被佢棵圣诞树吸引住，急不及待攞左部相机出黎影相。酒吧既光线还OK，不过室内其他角落就真系好黑啦：身手敏捷既我都差Ｄ跌倒，而且唔开闪光灯系乜野都影唔倒；因为相机既＂横扫＂(Panorama) 功能用唔倒闪光灯，所以玩唔倒，灰爆。枱上既蜡烛除左照唔倒个餐牌外，重细到连气氛都唔系好制造倒啰，Blue Bar 唔知会唔会迟Ｄ改名为 Black Bar 呢？！冇作大架，每位工作人员都有枝电筒喺身架，唔信可以问佢地借黎睇。 基于危险理由，今次环境分只可以比两分；卫生方面就因为太黑而定夺唔倒。埋位时经过一枱既食物，所以就多口问经常喺到饮茶既 Auntie 们系咪有 Tea Buffet。佢地话 Blue Bar 既特式系每日 5:30 - 7:30pm 只要叫杯饮品，就可以免费享用个buffet既所有食物，款式每日不同。不过黑麻麻，要饮左两杯既人行黎行去，感觉会好容易发生意外啰。Auntie们话可能因为圣诞假后 Blue Bar觉得会冇乜人黎帮衬，所以当日既食物比较唔
一入 Blue Bar 门口已经被佢棵圣诞树吸引住，急不及待攞左部相机出黎影相。
酒吧既光线还OK，不过室内其他角落就真系好黑啦：身手敏捷既我都差Ｄ跌倒，而且唔开闪光灯系乜野都影唔倒；因为相机既＂横扫＂(Panorama) 功能用唔倒闪光灯，所以玩唔倒，灰爆。
枱上既蜡烛除左照唔倒个餐牌外，重细到连气氛都唔系好制造倒啰，Blue Bar 唔知会唔会迟Ｄ改名为 Black Bar 呢？！冇作大架，每位工作人员都有枝电筒喺身架，唔信可以问佢地借黎睇。 基于危险理由，今次环境分只可以比两分；卫生方面就因为太黑而定夺唔倒。
埋位时经过一枱既食物，所以就多口问经常喺到饮茶既 Auntie 们系咪有 Tea Buffet。佢地话 Blue Bar 既特式系每日 5:30 - 7:30pm 只要叫杯饮品，就可以免费享用个buffet既所有食物，款式每日不同。不过黑麻麻，要饮左两杯既人行黎行去，感觉会好容易发生意外啰。Auntie们话可能因为圣诞假后 Blue Bar觉得会冇乜人黎帮衬，所以当日既食物比较唔吸引。
烧卖系最抢手既一款，不过味道好一般，应该唔系来自同酒店取得米芝连三星既龙景轩挂，因为几干，而且用料超级有雪藏feel。
女士们都好欣赏个 Vegetable Dip，话Ｄ蔬菜好新鲜爽口。
爱喝香槟既我叫左杯 Kir Royale，$190杯。感觉非常贵之余，唔知点解杯中既气泡不到两分钟已经冇哂。Sorry，唔系净系我𠮶杯系咁，其他香槟cocktail都系一样，唔通泄气？
讲真一句，小弟真系好少会比低过两分既服务分。今次黎到酒店，觉得除左人手短缺之外，个个都好似黑面神咁，极度觉得自己不受欢迎。等人落单都要成十分钟，问多两句佢地既态度重好不耐烦添。当日计埋我地都系得四张枱，居然叫杯热水都要叫几次，个个都话唔记得，咁唔知全场满哂时会点呢？真系难以想像自己系喺酒店入面啰。要成千蚊饮到成肚火，在下觉得唔低到极点。
张贴
