第三站

系旺角揾到一间好舒服嘅board game cafe🎲，可以同朋友一路玩一路食，唔玩board game 🧩都可以好舒服咁倾偈唔怕俾人赶走。香草芝士条 $62 🧀芝士条炸得好香脆，仲要系即叫即整，上菜既时候仲系热辣辣，食落拉丝可以拉到好长。呢个一定要快啲食，冻咗嘅话就少咗拉丝嘅效果。黑松露薯条 $66 🍟薯条亦都炸得好香脆，比较粗身，上面加咗黑松露粉。又浓郁黑松露味，同埋食落唔会好油。黑松露带子鲜菌意大利饭 $92 🍄黑松露意大利饭一嚟到都系好香，入面有两款菇同埋粒粒带子，加埋忌廉一齐煮。一路玩一路食真系好满足。朱古力蛋糕 $36 🍫蛋糕摆盆好有心机，蛋糕有五层，最顶系朱古力酱，之后就系朱古力慕丝同朱古力海棉蛋糕隔住。全部都系朱古力，最底仲加咗朱古力酱，朱古力控真系一定要食呢个！芒果乳酪 $48 🥭乳酪加埋冰块一齐打而成，饮落厚身，有香浓芒果味。