石屋咖啡冰室

营业中

休息中

石屋Cafe环境都唔错，虽然如果自己一个人去食会麻烦咗少少，因为要揾咗张枱先，之后先可以去收银度拣嘢食。柚子炸鸡：跟餐加钱，虽然应该唔系即刻炸，系翻热，不过加10几蚊就有，味道都唔错。All day breakfast ：超级饱肚，如果唔系好肚饿，可以两个人share再加少少小食。个烟三文鱼沙律系最好食，另外牛角包同格仔饼都好好食，好松脆，格仔饼有配炼奶。不过牛油果就一般，如果可以熟多少少就好。手撕猪肉汉堡配薯条：个汉堡包我觉得好惹味，味道系有啲BBQ味，再加少少香料味，不过朋友就觉得唔系几好食，个人口味不同，我就觉得下次我都会再食呢个包。薯条都够脆，正正常常。