孖啡

营业中

休息中

假期想轻松一下，同朋友喺餐厅好好噉食饭倾下偈，自然谂到楼上咖啡店，因为可以唔使赶住交枱吖嘛，旺角油麻地附近有好多今次试下新嘅一间。平实可爱风格，女仔倾计总喜欢有d浪漫嘅感觉，好多粉红色🎀set 包左38蚊以下饮品，其实特饮都只系补少少差价，又ok wor，加左几蚊就有咁大杯棒子朱古力，棒子味都几香，叫左少冰朱古力味更浓，同d cream一齐饮好邪恶呀，但又好滑未食主菜就食甜品，因为set加35蚊就有心太软加雪糕，几抵！一切已经感觉到外脆内软，仲热住咁流出黎，朱古力浆系杰架，好香朱古力味。水牛城鸡翼，推介俾钟意食酸甜嘅朋友，外皮够哂脆，未入口已经闻到阵酸味，正唔正宗唔敢讲，但好开胃，配上沙律菜岩哂。主食推介：软壳蟹黑松露意粉，软壳蟹炸得刚刚好，外皮够晒松脆，肉质唔会霉，有啲爽滑，更加重要嘅系喺底嘅意粉软硬适中，个汁够晒浓好香滑。两者配合得好好，分量亦都好够，足够一个男仔食到饱肚。呢度地方唔算好大，但系服务亦都好细心，有啲座位附近有服务钟，揿咗落去五秒之内就会有侍应过嚟帮手服务都几细心。主食固然唔差，但我嚟讲少食系更加有惊喜。