SUIT MODERN IZAKAYA SAKE BAR

营业中

休息中

上环 Cafe x Sake Bar 日头系cafe，夜晚就系 sake bar~~~之前同朋友试过日头去，今次又试埋夜晚系点先！📍既然夜晚黎，就梗系要试下佢地啲sake 啦～店员推荐咗呢支豊能梅纯米吟酿比我地～支酒好特别，用咗高知酵母CEL24带出酒体优雅甜润易，带有少少苹果味水果香气同清爽既苹果酸味📍皮蛋豆腐 日式炸豆腐配上皮蛋味蛋黄酱，呢个组合几特别～本身以为皮蛋味好重，但入口又还好，味道甜甜地几啱女仔食📍是日精选--大虾意粉意粉用咗秋葵酱，所以好挂汁而且意粉亦都al dente；至于大虾份量好慷慨，有足足6大只，大虾肉身爽弹配埋意粉食一流~📍鱿鱼拼西班牙辣肉肠粒 上面既系炸腐皮，再MIX埋鱿鱼同辣肉肠粒黎食，口惑好丰富咸咸香香好滋味~ 📍三黄鸡(半份) 三黄鸡上到黎，外皮烤到金黄焦脆，入口鸡肉嫩滑而且仲有层丰满脂肪，满满油香味道鲜美，仲会有阵阵既酒香。