CARAT Fine Indian and Mediterranean Cuisine (盈豐商業大廈)

营业中

休息中

好耐冇食特别啲嘅菜式，今天就霖到呢间CARAT，所以下班专登过来食晚餐。上次系呢度食到嘅咖哩同Naan 令我回味无穷，印象深刻，相信今次都唔会令我失望。餐厅装修系比较简单又有格调嘅西餐厅感觉，座位阔落又唔会好吵杂，环境亦都好整洁，可以享受特色美食又可以坐得舒服d。“CARAT”Tandoori chicken特色烤鸡食落感觉热辣辣，用印度香料同酸奶做调味，再配合少许薄荷酱汁，又酸又辣，非常惹味，整个调料嘅配搭完全提升左烤鸡嘅鸡味。Rogan Josh羊肉配咖哩系好正，呢份菜用左红咖哩做配搭，又可以食到啲蕃茄味同蒜味，口感丰富。羊肉亦都份量充足肉质松软煮得好入味，配返烤饼食真系停不落口。Garlic naan 烤饼系用来送咖哩必不可少嘅一样配搭，拣左洋葱味嘅naan 味道好正，烤饼外皮脆卜卜入口口感又脆又松软，厚度亦都啱啱好。Cranberry juice 叫左一份红莓汁用来解腻，饮落果味浓郁，酸酸甜甜好开胃。