Chalet (已結業)

呢一间铺头叫做chalet，法文嘅意思系小屋咁解，所以呢一度都装修好有心思，好似一间屋仔咁，用咗唔少木头做装饰，仲有砖墙，令我感觉到真系好似睇人地法国𠮶啲渡假小屋咁。我哋叫左个set dinner 加多一个餐汤，香辣牛肉他他同帝王蟹饼配蛋黄芥末酱。我哋落咗order之后好快就送上餐汤同埋面包，呢度嘅餐汤系洋葱汤，而面包就系大厨今日亲手整嘅hand made面包。食落去个皮够脆，入边又唔好太硬。个香辣牛肉他他，肉质够晒嫩滑，上面仲要加咗啲蛋汁，令到啲肉可以更加黏，连埋一齐食增加湿润嘅感觉，面头仲要配左一块脆虾片，口感十足。至于主菜就系半熟鸭胸配提鱼。我最钟意佢个胸唔会太生，又唔会太熟，放入口感好好。条鱼亦都煎得好香，鱼皮煎到脆脆地啱啱好，条鱼又唔会腥。至于个甜品，就系日式玉子卷同法式焦糖炖蛋嘅混合体，甜甜地，好香嘅焦糖味好特别啊。