Urban Bakery (已結業)

之前New York Cheesecake 买一送一，折实价$19/一件，非常划算🤩。同朋友一人一件做下午茶，芝士咸鲜味道浓而不腻，亦非常饱肚。光滑厚实嘅外表、实实在在嘅口感、浓郁唔腻嘅味道令我食过翻寻味，感觉cheesecake嘅回头度比牛角包更加高。而家即使冇咗优惠，今日经过仍然忍唔住买咗件🤤。店员用大小适中嘅纸袋装住，底部有张硬卡纸。由于蛋糕好挺身、实净💪🏻，即使唔用蛋糕盒都唔怕整烂。1\New York Cheesecake 如果即日食，一般都可以放室温。由于今日天气炎热，所以放咗喺雪柜待用，口感比平时硬咗啲。🧀️味道依旧，芝士味道浓郁，除咗芝士独有嘅咸鲜味之外，仲带有淡淡杏仁味。🍰口感细致滑溜，齿颊留香。🍪饼底唔薄，质感粗嚡、脆口，夹埋口感细致嘅cheesecake一齐食，有种强烈而有趣嘅对比，口感好丰富而且有层次。👍🏻由于cheesecake密度甚高，亦好重手，饱肚程度同食咗份正餐相若，满足感爆登🆙。至于系咪fat free，我就唔打算考究啦～😂讲返Urban Bakery嘅镇店之宝 — 牛角包🥐蓬松酥脆嘅口感、牛油丰厚浓郁嘅味道、微微烤焦嘅表层🥐 都系牛角包嘅诱人破戒之处。