影片
更多
2020-08-29
302 浏览
男人要求今日呢间要打先! 但容我先讲段故...话说第三波前，有日我地去长洲，计岩时间想食佢，点知佢地个日贴纸仔无开... 上星期话补完习去食，但见佢fb开1500，我地去左IFC凉左阵冷气，第二次拜访，去到都系无人，fb无讲 (年纪大，睇fb多过ig)，等多左阵，心血来潮睇佢地ig先知原来疫情期间，weekend唔开... 啊~ 但我地只有weekend先去到，于是... 我就message问啦～ confirm左佢地唔开，不过都明，大家少左出去食，仲要weekend... 相信好多餐厅会选择关门，真心明白，灯油火蜡人工样样都要钱，而我相信最重要既系要准备食材，当佢fd底唔出粮，食材都唔等得啦！ 但最估唔到既系... 佢地记得我呢个傻婆，岩岩星期三主动message我话今日开! 哗~ 小民受宠若惊!点都要即刻去啦！今日我1450左右去到，男人架车迟左仲要落错车，我就打机慢慢等~ 点知过左1500都未见人，开始担心... 怕男人黎到又失望(因为比较钟意食burger个个系佢)... 系报告前我message冇人应突然间醒起佢俾过个电话我，我就好无礼咁打去问... 好在只系Chef Kob
话说第三波前，有日我地去长洲，计岩时间想食佢，点知佢地个日贴纸仔无开... 上星期话补完习去食，但见佢fb开1500，我地去左IFC凉左阵冷气，第二次拜访，去到都系无人，fb无讲 (年纪大，睇fb多过ig)，等多左阵，心血来潮睇佢地ig先知原来疫情期间，weekend唔开... 啊~ 但我地只有weekend先去到，于是... 我就message问啦～ confirm左佢地唔开，不过都明，大家少左出去食，仲要weekend... 相信好多餐厅会选择关门，真心明白，灯油火蜡人工样样都要钱，而我相信最重要既系要准备食材，当佢fd底唔出粮，食材都唔等得啦！ 但最估唔到既系... 佢地记得我呢个傻婆，岩岩星期三主动message我话今日开! 哗~ 小民受宠若惊!点都要即刻去啦！
今日我1450左右去到，男人架车迟左仲要落错车，我就打机慢慢等~ 点知过左1500都未见人，开始担心... 怕男人黎到又失望(因为比较钟意食burger个个系佢)... 系报告前我message冇人应突然间醒起佢俾过个电话我，我就好无礼咁打去问... 好在只系Chef Kobe买野迟左，咁就得啦~
入正题! Btw, 型仔Chef Kobe (真心觉得型! 大家行过可以去偷窥下，当然最好帮衬埋啦！)主动问要唔要帮我地开2，实在系太细心了!
Got Crab 有蟹 $98 个餐
拿 ~ 呢个坚好食! 佢系真蟹肉整出黎既! 点解咁肯定，因为除左我为食就系因为我食到个小蟹壳，我又唔觉得好大件事，但如果可以小心尐就会更好(可能因为我昨晚自己整既paella都有少少，所以明白)~
Got Beef 有牛 $98个餐
你问我，我会拣蟹，因为呢个肉食得出系新鲜同靓肉，唔系99的汉堡扒，不过可以落多两粒盐同黑椒俾多少少味. 如果佢就咁一个扒系够味既，但因为有菜同蕃茄沟淡左，fresh左，所以个肉食到鲜味但唔够蟹咁突出
Got Fingers 有指 +$10 由薯条转"有指"
呢个都好食! 佢个鱼手指系几实，唔会一咬就散哂咁，最开心系佢refill我地个酱啊~ 以我同男人呢尐可以饮既死变态黎讲，真系好鬼开心!
薯条
朋友，呢只薯条先系薯条麻! 好食到呢... 然后好惊喜既系，佢地送多左份俾我地啊！天啊~ 如果唔系天气热食唔落咁多野，我同男人应该会争住食XD
Got Shrooms 有菇 $48
呢个后加既... 我呢...都争扎左一阵，因为都怕食唔哂，但男人话go! 咁就当然go啦！我地开头谂系大啡菇个只，点知当黎... E!? 喂!? 一粒粒既... 原来系蘑菇炸架! 呢个有惊喜，好彩叫左啫XD 不过我地都觉得配茄汁唔多夹，我食左几粒，就觉得可以试下用Gravy配，应该会夹尐同几好食!
BTW, 多谢Chef kobe放第一样野落黎个时，好贴心咁俾埋湿纸巾! 同埋呢... 唔好意思，我估同我吹水既系脑细，但我打呢篇野先发现我无问佢大名，只记得佢同我讲Chef KobeXD
真心，好食! 男人未食完已经话要翻兜，落车仲叫我打尖写呢篇先，我估... 我地会好快再食! 另外有朋友讲楼下间串烧既烧鸡皮好好食(我唔食，但叫左男人试几次都话要留肚食burger)~ 如果行开，就去支持下啦！
张贴
