島中坊研

营业中

休息中

难得放假同朋友相约去长洲行山做下运动🏔，去沙滩游走吹下海风🌊，顺便食返几串长洲大鱼旦。不过除咗大鱼旦之外，原来仲有呢一间比较简约嘅咖啡店，餐厅嘅位置唔算难揾，开住Google Maps🌎跟住行好快就揾到。我哋喺餐牌上面拣咗以下两款食物😋🟠All Day Breakfast $95有特色牛角包、香草猪肉肠、烟三文鱼、香滑炒蛋、牛油粟米、烟肉和沙律。味道方面唔会太咸，份量适中而且够饱肚，加上牛角包配有士多啤梨酱加炼奶，沙律亦都配有酸酸甜甜类似和风汁嘅沙律酱，所以成个餐都算丰富🥰。🟠奄列套餐 Omelet Set $48奄列套餐可自选两款指定配料，今次拣咗咸牛肉🥩同蘑菇🍄，估唔到蘑菇可以中和翻牛肉嘅咸味，配埋奄列一齐食嘅味道都算夹😆。呢个餐仲会配埋两块奶油多士，食完会好满足，好有饱腹感😉。餐饮方面改配自家制糖渍（草莓）+ 梳打 $24可以一试，会食到草莓🍓糖渍之外，仲有新鲜切开嘅草莓粒，加埋梳打嘅味道唔算特别，但解渴👍🏻。