影片
更多
2022-10-26
93 浏览
假日唔使返工，瞓到自然醒，懒洋洋食返个brunch，就系最好的放假态度！荃湾Odelice位于西铁站上盖海之恋商场，位置就脚方便，餐厅空间感大，装修具法式风情，相约朋友食返个精致嘅早午餐，闲聊日常，实现慢活周末！餐厅有室内位置，被植物同装饰植物墙包围，可以远眺海景，不过当日天色唔系咁好，所以都系坐返室内！➺➺班尼迪克碗$160可以用「香」字去形容成个菜式，用刀𠝹开水波蛋，荡漾嘅蛋浆流出覆盖下面成个松软嘅面包，整体食落去又滑又充满蛋香，碗上涂抹咗一层烟熏过嘅茄子蓉，包围住食物，三文鱼都有烟熏过，茄子加上咗香草，令到食物有浓浓嘅香烤味道！➺➺半只龙虾炒蛋$258作为龙虾控嘅我见到「龙虾」两个字，已经被深深吸引。菜式用上两块大大件完整、唔会散修修嘅龙虾肉，食落口充撑住口腔，肉好爽，慢慢咀嚼，食到龙虾肉嘅质感！加埋好滑嘅炒蛋、牛油果粒、洋葱粒嘅唔同质感，配搭得唔错！➺➺法式可丽饼$75呢间餐厅嘅可丽饼都几出名，厨师将朱古力酱、花生酱、大量果仁片、糖粉，放埋一齐，呢个甜品嘅味道已经冇可能唔符合水准。可丽饼整得又薄又烟韧，趁佢啱啱整好仲暖暖地嘅时候，加埋雪糕一齐食，𠮶种又暖又冻嘅感觉特别刺激味蕾！
➺➺班尼迪克碗$160
可以用「香」字去形容成个菜式，用刀𠝹开水波蛋，荡漾嘅蛋浆流出覆盖下面成个松软嘅面包，整体食落去又滑又充满蛋香，碗上涂抹咗一层烟熏过嘅茄子蓉，包围住食物，三文鱼都有烟熏过，茄子加上咗香草，令到食物有浓浓嘅香烤味道！
➺➺半只龙虾炒蛋$258
作为龙虾控嘅我见到「龙虾」两个字，已经被深深吸引。菜式用上两块大大件完整、唔会散修修嘅龙虾肉，食落口充撑住口腔，肉好爽，慢慢咀嚼，食到龙虾肉嘅质感！加埋好滑嘅炒蛋、牛油果粒、洋葱粒嘅唔同质感，配搭得唔错！
➺➺法式可丽饼$75
呢间餐厅嘅可丽饼都几出名，厨师将朱古力酱、花生酱、大量果仁片、糖粉，放埋一齐，呢个甜品嘅味道已经冇可能唔符合水准。可丽饼整得又薄又烟韧，趁佢啱啱整好仲暖暖地嘅时候，加埋雪糕一齐食，𠮶种又暖又冻嘅感觉特别刺激味蕾！
➺➺牛油果、香蕉、燕麦奶沙冰$48
质感好杰，饮落去有好重牛油果味，跟住又涌出淡淡的香蕉味，沙冰占嘅份量唔多，唔会饮落去令到牙齿冰镇，但感觉又几健康！
➺➺椰香咖啡沙冰$46
就咁闻已经闻到椰香同浓郁嘅咖啡味，同样沙冰唔会抢咗饮品嘅重点！
**设加一服务费
张贴
