茶涮涮 (已結業)

喺名店坊呢边揾食其实都唔错，有热闹气氛嘅，有舒适又chill chill地嘅，俾街角位置环境气氛唔错嘅日式火锅店吸引～套餐几抵食，有前菜沙律又有刺身三点，仲有海鲜拼盘、肉拼盘同野菜拼盘，呢个价钱够晒丰富！海鲜拼盘有齐大大只野生虎虾、帆立贝、同野生海鱼！虎虾肉结实鲜甜，又够晒大只，带子切成薄片，渌一渌入口软熟～海鱼肉质弹牙结实，唔错唔错！肉类有澳洲一级肉眼，美国安格斯牛小排，美国牛五花，同无激素春鸡！肉类都相当唔错，和牛肉眼油花丰富肉质又甜！安格斯牛小排油花均匀，肉质鲜嫩～野菜拼盘款式又多又新鲜，有切花红萝卜，望落食落都特别开心！