天然酵母麵包店

营业中

休息中

多数人都钟意食松软嘅面包，但大部分都添加防腐剂同人工酵母。酸种面包相对比较健康，因为佢只系用面粉、天然酵母、盐和水做原料。 香港食酸种包嘅cafe唔多，Levain 喺Quarry Bay开左新店，我又刚刚经过附近所以试吓。新店面积颇大，坐得舒服，又有音乐同装饰，都几chill。我试左佢地main menu嘅 baguette w/ Parma ham n gruyere 同 mocha。面包有成呎长，偏硬但脆嘅，由头到尾都可以食到Parma ham同gruyere ，几足料，卖相都几给引。Mocha真系有惊喜，佢唔似出面一般cafe有靓靓嘅topping，但一饮就知佢系实而不华。一开始系浓浓嘅朱古力味，口感厚滑，随之而来嘅系咖啡嘅少少酸味，层次丰富。老板最后送咗我一碟苹果，佢话配合面包一齐食又会有另一种味道。我反而觉得饮完杯mocha食件苹果，个味道几特别几fresh。橱柜有十多种面包供选择，花多眼乱。环境装修好靓，好chill。