犇道 Chef Ben- Cafe & Steak Bar (弦海) (已結業)

今日同个屯门朋友食late lunch🍽，佢话佢屋企附近有间好正嘅cafe，咁就梗系要去试吓啦。我哋叫咗和风全日早餐🍡🥗🥐、日本唐扬炸鸡蛋包饭🐓🍳🍚🍛、炸薯条配松露酱🍟同两杯冻朱古力咖啡☕️。1️⃣ 和风全日早餐里面有日本汉堡扒、日本煎蛋卷、东京汤章鱼丸、日本年糕串、麻酱菠菜、薯蓉沙律、炒杂野菌、沙律菜同牛角酥。真系好丰富嘅早餐！特别钟意汉堡扒，多汁肉嫩。日本年糕串都好食，烟靭可口，我最爱嘅质感。2️⃣ 日本唐扬炸鸡蛋包饭哩个我同朋友都觉得非常好食。黑咖哩汁好香好浓郁，惹味开胃，𩠌饭食好正。炸鸡都炸得好香口酥脆，略嫌炸粉有少少厚。3️⃣ 炸薯条配黑松露酱薯条份量好多，多到我哋食唔晒。黑松露酱好香浓，每一条薯条点上一大擗嘅酱，真系人生一大享受！4️⃣ 冻朱古力咖啡相对地有少少失望，无乜咖啡香味，朱古力味亦比较淡，味道啱啱合格。特别要赞赏女职员嘅服务，友善亲切，殷勤周到，100分👏🏽。