影片
更多
2019-04-18
391 浏览
上个weekend朋友带咗我去AHA食brunch，人流唔算好多食得几舒服，前菜三选一，食肉兽当然叫晒两个都系肉啦，正确来讲应该话系海鲜，有老是常出现嘅蟹饼，今次呢个系用香煎嘅煮法而唔系炸，香口得嚟又少咗份热气嘅感觉，而且旁边仲有啲莓酱点嚟食又几开胃😛另一个系炸银鱼，有啲似白饭鱼咁，揸得够松脆，鱼肉本身又好软腍，点埋个甜甜地嘅沙律酱超级惹味😍是日餐汤杂菜汤，菜料都煲到腍哂入哂味，酸酸地好开胃😗主菜方面两个食肉兽依然系拣肉食，一牛一猪，牛肉系用USDA嘅Prime级tenderloin牛柳部位，系成只牛最软最嫩嘅部份，煎后达到外面香口内里嫩滑嘅感觉，另配上超鲜甜南瓜蓉，唔会一味净食肉咁腻✨至于猪就系烧猪腩肉，肉质有啲似慢煮过定焖过质地好软腍，然后再烧过表面边位增添层次感，配上BBQ酱后成个感觉又好贴地，不过佢配青豆蓉同埋椰菜花蓉，两样都唔系我钟意嘅嘢🤣最后加钱叫埋甜品，两款都不得了，一轻一浓，轻盈代表嘅奇亚籽Panna Cotta，超动L嘅奶冻顶部埋藏咗一堆好似西米咁嘅奇亚籽，幼滑中有带弹牙嘅粒粒口感，再配埋酸酸地嘅蓝莓乳酪酱，成件事好健康另一个就相反地好邪恶，系花生酱味嘅冰糕，质感有啲
另一个系炸银鱼，有啲似白饭鱼咁，揸得够松脆，鱼肉本身又好软腍，点埋个甜甜地嘅沙律酱超级惹味😍
是日餐汤杂菜汤，菜料都煲到腍哂入哂味，酸酸地好开胃😗
主菜方面两个食肉兽依然系拣肉食，一牛一猪，牛肉系用USDA嘅Prime级tenderloin牛柳部位，系成只牛最软最嫩嘅部份，煎后达到外面香口内里嫩滑嘅感觉，另配上超鲜甜南瓜蓉，唔会一味净食肉咁腻✨
至于猪就系烧猪腩肉，肉质有啲似慢煮过定焖过质地好软腍，然后再烧过表面边位增添层次感，配上BBQ酱后成个感觉又好贴地，不过佢配青豆蓉同埋椰菜花蓉，两样都唔系我钟意嘅嘢🤣
最后加钱叫埋甜品，两款都不得了，一轻一浓，轻盈代表嘅奇亚籽Panna Cotta，超动L嘅奶冻顶部埋藏咗一堆好似西米咁嘅奇亚籽，幼滑中有带弹牙嘅粒粒口感，再配埋酸酸地嘅蓝莓乳酪酱，成件事好健康
另一个就相反地好邪恶，系花生酱味嘅冰糕，质感有啲似雪硬咗嘅慕丝，个花生酱味好重又有啲似拖肥味咁，不过佢都有个青柠雪葩俾你平衡下，两者各有千秋😛
张贴
