影片
更多
2018-08-17
837 浏览
香港人崇日嘅程度有几多？一年去十几次日本？一个礼拜食几次日本野？我听过最夸张嘅系去日本可以即日来回！冇错小妹都好崇尚日本文化，对于日本菜真系难以抗拒，所以今日#跟住朋友食好西，我哋又食日本野啦！坐落喺登龙街金朝阳中心29楼嘅Kuro饱览铜锣湾景色；佢同其他日本餐厅唔同嘅系，佢走fusions型格路线，一出电梯就即刻进入左黑暗嘅世界。墙身系黑色，餐桌系黑色，地板系黑色，最夸张连餐纸巾都系黑色！餐牌用咗黑色硬皮包装，厚厚嘅餐牌足以知道餐厅供应食物款式之多。价钱可能比普通日本餐厅贵少少，但系如果坐落系咁嘅环境进餐，佢绝对系物有所值。不过我哋今次黎系食佢嘅Black x Gold Set二人套餐，价钱绝对唔平，但系真系一食难忘！前菜-火焰三文鱼轻烧佐蒜香汁两片三文鱼经火枪轻轻烧过，将三文鱼油迫晒出嚟之余仲带一点焦香；微微脆身包裹住软滑嘅三文鱼，下面用海草垫底，口感似海蜇，过隐！刺身黑金系列黑彩虹摆盘极度精美嘅刺身睇得出花过心思同埋创意。一边主要用酱料去画图，另外一边就放满刺身。最吸睛嘅当然系一对刺身虾，比手指仲要粗同长，食落好鲜甜，虾头有虾膏；另外一个要介绍嘅系带子，超级巨大带子将佢切开一半，
冇错小妹都好崇尚日本文化，对于日本菜真系难以抗拒，所以今日#跟住朋友食好西，我哋又食日本野啦！
坐落喺登龙街金朝阳中心29楼嘅Kuro饱览铜锣湾景色；佢同其他日本餐厅唔同嘅系，佢走fusions型格路线，一出电梯就即刻进入左黑暗嘅世界。
墙身系黑色，餐桌系黑色，地板系黑色，最夸张连餐纸巾都系黑色！餐牌用咗黑色硬皮包装，厚厚嘅餐牌足以知道餐厅供应食物款式之多。价钱可能比普通日本餐厅贵少少，但系如果坐落系咁嘅环境进餐，佢绝对系物有所值。
不过我哋今次黎系食佢嘅Black x Gold Set二人套餐，价钱绝对唔平，但系真系一食难忘！
前菜-火焰三文鱼轻烧佐蒜香汁
两片三文鱼经火枪轻轻烧过，将三文鱼油迫晒出嚟之余仲带一点焦香；微微脆身包裹住软滑嘅三文鱼，下面用海草垫底，口感似海蜇，过隐！刺身黑金系列黑彩虹
摆盘极度精美嘅刺身睇得出花过心思同埋创意。一边主要用酱料去画图，另外一边就放满刺身。最吸睛嘅当然系一对刺身虾，比手指仲要粗同长，食落好鲜甜，虾头有虾膏；另外一个要介绍嘅系带子，超级巨大带子将佢切开一半，size先系啱啱放得到落口，海水味好重，但绝对唔油，属于健康之选！
Wasabi混入左橄榄油，辛口味中渗透出微量榄油香。成个拼盘最欣赏就系花过心思去调配酱料，红菜头汁、菠菜汁、芝麻汁...每样都能够保持食材完味，而且颜色相当美丽。天妇罗黑金系列流心趣
同普通天妇罗唔同，其中一个天妇罗系将海胆包入紫菜再攞去炸；渣浆唔会好厚，炸完之后里面件海胆几乎保持完态，依然好鲜味。食事-越前蟹釜饭
起初以为系用一个大煲装住一大碗饭，但原来优雅嘅餐厅做法截然不同。每人一细碗饭都经过装饰，微微喊香酱油味，面头放咗蟹肉，饭入面混入咗蒟蒻，菇菌等等，感觉相当健康。甘物-黑豆胡麻牛乳
听个名开头以为系牛乳煲𠮶啲，原来系甜品。口感有啲似啫喱同布甸中间，牛奶味好重好滑，唔会太过甜。食日本菜咁多次，呢一个高空fusion，赏心又悦目
张贴
