風車

营业中

休息中

约大同食饭，记得之前食过呢间西餐厅环境几好feel所以番check，门口有个精美酒架好吸睛，一入去有个超大电视，啱晒成班朋友黎睇波饮酒，但我同朋友今晚就简单放松下，晚市都几乎坐满，我地叫左个2人套餐，主菜嗌左纽西兰肉眼扒配焦糖菠萝5成熟，烧汁好好味，肉眼扒够稔，一啲都唔韧，好易切开，仲可以无限fill汁，我拣左个波士顿龙虾意粉，有好creamy既龙虾汁意粉味道浓郁，龙虾有好多虾膏超级满足！前菜鸭胸沙律，酸酸甜甜醒胃，鸭胸份量都好多，是日餐汤有蘑菇汤，好重蘑菇味，仲有最正龙虾汤，好香既龙虾味，甜度恰好，推介大家可以加钱试下，真系好饮，饮品我拣左热荔枝茶，暖胃得黎又消油腻，朋友叫既冻蜜桃茶都话好好饮😋😋