Vici Restaurant & Bar (已結業)

今日同朋友嚟到荃湾食嘢，想揾个地方食下野、饮下酒、吹下水🤣 就简左呢间vici bar❣️几钟意餐厅有好多sofa chair，chill chill地，坐得舒服～坐低之后，店员就即刻介绍饮品俾我哋，叫左两杯cocktail🍹open kitchen既设计，可以见到bartender即场为我地调制饮品😇前菜：泰式羽衣甘蓝沙律 🥗 卖相好吸引，颜色丰富。红色既蕃茄、橙色既萝卜丝、绿色嘅羽衣甘蓝😍 沙津酱汁加埋柚子粒，食落酸酸甜甜，好开胃。羽衣甘蓝清新爽口，健康无负担🤣 仲有大大只带子同埋大虾，爽口弹牙，份量都唔细，好足料，一啲都唔吝啬。主菜：冬阴功大虾意粉 🍝 呢个意粉好特别～ 冬阴功味好浓郁，又唔会好辣，每条意粉都能够沾满酱汁，烹调时间刚好，意粉保持弹牙，配上大虾同芦笋，口感丰富🤣主菜：自家制辣肉肠 🍕 热辣辣既pizza上面铺满芝士，食落仲拉丝架，好邪恶🤪 自己整既pizza好有诚意，饼底有番咁上下厚度，咬落烟烟银银；烤焗既时间岩岩好，外脆内软。店员好nice、环境舒适、食物质素唔错，都几适合三五知己过嚟，倾吓计、饮吓嘢🤣