aga Restaurant & Bar

营业中

休息中

今日收工约咗朋友喺尖沙咀食嘢，一讲到食乜嘢，朋友即刻话尖沙咀厚福街开咗一间新嘅特色餐厅，𠮶度感觉好超，于是我就满心欢喜咁样直接冲去餐厅，一生人都去真系有惊喜，餐厅环境装修得几有格调，更加有室外位置，天气转凉嘅时候真系好啱feel。饮品我要左一杯梅乃宿细果粒凤梨，好易入口，梅酒加pineapple个味道几夹。野食方面要左锡纸焗鲜蕃茄海鲜扁意粉，呢个用嚟打卡一流，而且锡纸焗过嘅海鲜又够鲜甜，两只虾都超大只，劲爽口，连带子都真系特大size，加埋蕃茄微微嘅酸味，配埋软硬适中嘅意粉，真系好好味。另外都要咗一个flame意大利云吞，粒粒嘅大细差不多，一啖一粒，全部都包得好结实，我觉得好好味。最后都加多咗一个小食，就系佢嘅香辣芝士炸椰菜花，真系绝对唔好睇小，以前成日觉得椰菜花有一浸腥味，但系佢呢个加咗啲香辣粉，令到成件事出，配埋酒原来好配！