影片
更多
2021-05-03
2761 浏览
对上一次食美丽华buffet，已经系三年前嘅事，当年有一段时间成日做午市买一送一。之后睇啲食评都系好坏参半。我第一次食圣诞buffet。晚上冇堂食，只有Lunch🥺节日buffet，都预左系贵过平时。今日都唔系满座，疫情关系，成间餐厅好冷清，walk in一定有位。先睇下冷盘先，生蚝睇卖相系靓，不过只系得个样。海水味系有，但唔新鲜，只蚝我完全食唔到鲜味。虽然佢系即开，但啲蚝似系放喺度好耐咁啰😔。剌身寿司做得唔错！寿司仲有其他款，牡丹虾必食，但冇影到相，每次想去拎都冇哂，男朋友食左好多只，佢极度推荐。我觉得今餐最好食系呢度嘅热荤。乳猪件我自己encore左几件，片烧得劲脆。玉子烧不过不失，正常野。片皮鸭失望，啲片超干，师父系唔识片鸭，啲肉片得太多喇，似食鸭件多过食皮鸭啰😒蒸龙虾有惊喜要行出排队拎，师父即时开边。每只size都大，肉质好新鲜，我自己都食左4只，亦系整餐最回本嘅食物😋。台湾手抓饼都有惊喜，虽然只系好简单嘅菜，但都叫有诚意。食Lunch Buffet 有鹅肝食😍！我自己都食左3件，原本想再拎，俾男友制止左😣。最后到甜品，不过不失咁啦。冇乜大特别。雪糕movenpick，最少都食
我第一次食圣诞buffet。晚上冇堂食，只有Lunch🥺节日buffet，都预左系贵过平时。
今日都唔系满座，疫情关系，成间餐厅好冷清，walk in一定有位。
先睇下冷盘先，生蚝睇卖相系靓，不过只系得个样。
海水味系有，但唔新鲜，只蚝我完全食唔到鲜味。虽然佢系即开，但啲蚝似系放喺度好耐咁啰😔。
剌身寿司做得唔错！寿司仲有其他款，牡丹虾必食，但冇影到相，每次想去拎都冇哂，男朋友食左好多只，佢极度推荐。
我觉得今餐最好食系呢度嘅热荤。
乳猪件我自己encore左几件，片烧得劲脆。玉子烧不过不失，正常野。片皮鸭失望，啲片超干，师父系唔识片鸭，啲肉片得太多喇，似食鸭件多过食皮鸭啰😒蒸龙虾有惊喜要行出排队拎，师父即时开边。每只size都大，肉质好新鲜，我自己都食左4只，亦系整餐最回本嘅食物😋。台湾手抓饼都有惊喜，虽然只系好简单嘅菜，但都叫有诚意。食Lunch Buffet 有鹅肝食😍！我自己都食左3件，原本想再拎，俾男友制止左😣。
最后到甜品，不过不失咁啦。
冇乜大特别。雪糕movenpick，最少都食左3球。
埋单先知原来我地系食紧brunch，85折后$5xx一位。不过圣诞节，我地接受到嘅。
总结：食物质素好坏参半。价钱一定系高，就算系平时嘅自助餐价钱都系偏高。味道系唔错架！呢间酒店buffet都好少做优惠，如果冇折扣，我都唔会黎食。
张贴
