Pierre (已結業)

圣诞节同另一半黎呢度食饭庆祝，三个月前就订定window seat, 期待左好耐终于到圣诞节。餐厅好贴心咁比左个靓海景位我地坐，加上早到，感觉好似包场咁非常舒适。文华酒店一向都不会令人失望，每间餐厅的服务同食物水准都十分之高，所以每次节日都拣呢个酒店食饭庆祝。我地拣左个tasting menu, 职员好细心知道我唔太肚饿就帮我同request左由6道菜减到4道。头盘个生蚝非常新鲜，仲有淡淡的海水味。之后个signature龙虾都好弹牙好鲜甜，摆盘又靓。主菜系鹿肉，有烤同炖两种煮法，肉质鲜嫩有惊喜。成晚最开心嘅系个grand dessert, 有4样咁多，加埋chef送嘅绿茶挞，足足食左5样甜品。去fine dining最怕食左味道太浓嘅食物，呢间比几星期前再次光顾的Robuchon食物淡小小，本人比较欣赏。