LAB EAT Restaurant & Bar (金巴利道)

营业中

休息中

終於嚟到差唔多冬天，咁啱又係嚟緊結婚四周年紀念 ，梗係要搵間高級嘅餐廳食飯，搵嚟搵去終於搵到一間叫做LABEAT 咦佢啲裝修真係唔錯喎 ，有水晶燈 又有聖誕樹落重本 又夠靜 可以傾到計，試吓佢個二人餐先，個頭盤就已經好特別，又有新鮮嘅法國生蠔，雖然自己唔係好鍾意食生蠔，而且腸胃好容易會敏感，但係大家真係可以放心，生蠔絕對冇問題，真係好鮮甜 值得推介，仲要配獨特嘅飲品，Welcome drink 酸酸地又容易入口好開胃，正呀，第二道菜係生牛肉沙律，D芝士仲要喺你面前片落去，最鍾意食芝士嘅我就梗係心心眼啦，好味嘅程度唔知點樣形容，你都主菜蘑菇飯都唔錯，每款菜都有酒配合，同埋嗰隻雞佢會俾你影咗相先然後再幫你切埋，基本上都去晒骨，仲想點呀，貼心嘅服務真係冇得頂，仲有薯王配埋添，再加埋獨特嘅酒配埋一齊真係配合得天衣無縫，成個酒櫃就喺你隔籬個甜品真係有驚喜，圓轆轆咁樣 跟住個侍應仲要係你面前點火，入邊原來係雪糕嚟㗎，呢間嘢可能係唯一可以喺我手上攞到CP值100分嘅餐廳，大家真係要試吓 。