Le Salon De Thé de Joël Robuchon

营业中

休息中

之前一直想买cinnamon ring，上两个礼拜weekday 3点钟黎到话卖晒，店员话呢个系热卖面包, 要3-4日前订。呢次朝早已经预早少少打去问有冇，念住打定输数，得知仲有好少量，即刻留左个！其实我唔钟意食肉桂，唯一钟意系以前美国食嘅Cinnabon，热辣辣出炉好好食👍🏻 不过屋企有个肉桂怪，成个月前话想食cinnamon ring, 所以就专登买比佢食！Cinnamon ring 好香,一开个盒已经闻到肉桂味,上面有一层令立立嘅糖浆,睇起上嚟好靓,肉桂怪见到即刻哗一声!食完饭都忍唔住食左1/8个,食落真系几好味,虽然我麻麻地肉桂，但系都觉得Ok。肉桂怪话超好食！面包甜度同埋湿度都啱啱好，里面仲有我钟意嘅碧根果，好食！个cinnamon ring 其实都几大，4-5个人食就差唔多，价钱$120个。店员话都可以食到两日，如果唔系就浪费喇。