Freshness Burger (已結業)

食完终于明白点解佢叫Fressness burger，因为佢ｄ材料真系好fresh啰唔系讲笑！哩个Classic Cheese Burger真系要试！睇下佢ｄ生菜，又爽又脆，仲有damdam都系溶晒o既cheese，重点系块扒真系好好好好好juicy，最紧要够厚！实厚过mos,burgerking....个人认为唔系大块就好，厚先有口感架嘛！个包本身都要赞，因为非常松软！食完哩个包真系好满足，因为佢样样材料都无挑剔o既地方！仲有系我觉得佢ｄ料整到岩岩好！唔会多得过份，食完之后个袋都唔会整到好多汁漏出黎，唔会le hea。第二次食左个menchi burger，明治汉堡，哩个就真系麻麻，块肉炸得有ｄ㶶，（类似吉烈猪扒），都系食返牛好ｄ。薯角薯块都好正！佢一定冇翻炸，真系新鲜！洋葱圈系好香，但略为油左少少，个外皮亦有少少硬。