Classy Le Carré

营业中

休息中

放假喇！同朋友一早订了枱去到坚尼地城食西餐。一入去，就上餐包。餐包有3款选择，分别系五壳包、无花果包及意大利香草包。酱料都有两款，我最爱嘅牛油果酱同香浓嘅蒜蓉牛油。面包嚟讲最钟意无花果，本身已经有淡淡甜味，唔需要配任何酱。而香草包质地最松软，各有特色。主菜点咗慢煮和牛牛面颊配意式玉米糕，因为想食平时少见嘅意式玉米糕。玉米糕配松露呠酒烧酱，味道刚刚好。原木朋友担心牛面颊会容易煮得老，口感变嚡。但呢度嘅和牛牛面颊采用慢煮方法，肉质嫩滑，用刀轻轻一切就可以。味道上，慢煮亦有助锁起肉汁，和牛牛味突出。另一主菜系黑醋酱鲜拆空运法国膏蟹意大利饭，朋友试咁一口，就已经大赞，蟹味鲜甜，令risotto酱生色不少。黑醋味用黎吊味，更突出添海鲜味。意大利饭煮得正宗，外表软滑但中心仍保留些微硬度。星期六晚要饮返杯cocktail。Cocktail选择都唔少，仲好别出心裁。个人钟意sweet and sour，所以点咗梅花十三， 用vodka底，再加梅、柑橘、热情果等。饮落比平时梅酒更有层次，有淡淡柑嘅果酸味，好易入口。