COMEBUY

营业中

休息中

自从唔使喺条街度戴口罩，多咗放肆咁喺条街度边行边饮边食🤣喺附近食完饭，落楼见到手摇店，又心思思想整返杯🥹….老公睇穿我，抢先一步话佢想饮，咁冇办法啦我唯有陪佢😌我就拣咗杯苹果冰茶，甜度同冰量都可以自己拣，我就拣咗半糖半冰老公就话求其帮佢拣一杯，我问咗店员佢哋推介海神🧜本身见到系清茶就谂住帮老公走甜，但店员建议微糖，因为咁样先至可以凸显到只茶既蜜香味，所以最后就拣咗微糖半冰佢地有好多款茶底，一罐罐茶叶做display又几特别超！大！杯！半糖嘅苹果冰茶甜度啱啱好，再少啲甜都可以，因为杯底有好多苹果蓉，唔系好似苹果批入边𠮶啲软腍腍嘅苹果蓉，系脆口既😳咬下咬下口感唔错老公既海神好好饮！我都啜咗好多啖🤣真系有种淡淡嘅蜜香味，佢唔系浓茶嚟，清清地饮落好舒服，我谂热饮会更加有感觉，下次试下热既先！P.S.店员爽手又nice，饮管同饮品都系双手奉上，超级有礼貌🙆🏻‍♀️like！