永利

营业中

休息中

当12点之后先收工，好多时就会喺呢度叫碗大嘅韭菜猪红肠多辣，又或者系牛杂呢度啲肠系几好食，够肥又入味，甘香不骚。牛杂呢就好似由细到大扫街果一种，煮得比较淋身，膀就完全粉咁样。当然同潮式粉面做出嚟嘅牛杂冇得比，不过就好有comfort food嘅感觉。另外值得一提嘅就系佢哋嘅卤水墨鱼同生肠，做得其实都唔错，爽口弹牙。重点系佢哋做得好有心机，放甜酱芥辣嘅时候系用个扫，一层一层咁上得好均匀。绝对唔系求其pat啲酱上去就算！抵赞所以，有时揾嘢食，味道都未必系重点。可能果一刻，想要嘅，就系想揾返当年嘅人情味同感觉。