影片
更多
2017-11-08
1992 浏览
九月尾食既爸爸生日饭，太多野想写食评，隔左个长旅行拖到而家先写🤦🏻♀️ 工厂大厦餐厅卧虎藏龙，无意中发现以慢煮菜为主打既COW Dining。是次已经系第二次黎，上一次造访时无论食物定服务都非常满意，介绍左比一个朋友，佢又黎左几次😋 于是爸爸生日又食过番寻味！打去book位后会有人whatsapp menu比你。因慢煮菜色需时准备，要先拣好想食既main course，其他头盘甜品等则可以去到先决定。餐厅亦可以喺甜品碟上加生日快乐等字句，当然我有request啦！最好就系免开瓶费/切饼费，一班朋友黎庆足岩晒。另外要入数比人头$100订金。餐厅装修简单，以深色为主调，枱与枱之间唔会太迫，适合倾计。落完单后先上免费starter。starter卖相精致，问过waitress，系切片意大利黄瓜、青瓜、茄子，卷住bite-size水牛芝士，淋上少量餐厅自制Pesto酱，底有意大利醋，酸酸地，好清新开胃。我同妈妈都嗌左3-course set($238)，爸爸则嗌5-course($358 - $528不等，视乎你拣咩main course，有八折优惠)；两者都可以喺两款头盘、两款汤、几款mai
打去book位后会有人whatsapp menu比你。因慢煮菜色需时准备，要先拣好想食既main course，其他头盘甜品等则可以去到先决定。餐厅亦可以喺甜品碟上加生日快乐等字句，当然我有request啦！最好就系免开瓶费/切饼费，一班朋友黎庆足岩晒。另外要入数比人头$100订金。
餐厅装修简单，以深色为主调，枱与枱之间唔会太迫，适合倾计。落完单后先上免费starter。starter卖相精致，问过waitress，系切片意大利黄瓜、青瓜、茄子，卷住bite-size水牛芝士，淋上少量餐厅自制Pesto酱，底有意大利醋，酸酸地，好清新开胃。
餐前小食
34 浏览
0 赞好
0 留言
我同妈妈都嗌左3-course set($238)，爸爸则嗌5-course($358 - $528不等，视乎你拣咩main course，有八折优惠)；两者都可以喺两款头盘、两款汤、几款main course中各选一，5-course 会多左自家制意粉同甜品，而且部份选择会吸引啲，例如头盘可选煎鸭肝。
头盘上次试左青口麻麻地，今次拣左烟挪威三文鱼配自家制酱汁海撒沙律 - 烟三文鱼有油香，配capers同刁草依个经典组合冇得输；每片生菜都coat左啲沙律酱，新鲜爽口又开胃，仲bonus比一大片parmesan cheese🧀 试左一小啖爸爸既 香煎鸭肝配慢煮菠萝，入口冇鹅肝咁漏咁肥腻，配好juicy既菠萝好好食😍
烟挪威三文鱼配自家制酱汁海撒沙律
27 浏览
0 赞好
0 留言
香煎鸭肝配慢煮菠萝
33 浏览
0 赞好
0 留言
野菌忌廉汤 - 菇味足够，汤好smooth，不过我比较喜欢食到好细粒既菇茸𠮶种口感。爸爸既系酥皮海鲜忌廉汤，冇偷食，卖相就唔错呢。
野菌忌廉汤
29 浏览
0 赞好
0 留言
自家制意粉配parma ham、牛肝菌番茄忌廉汁 - 配料有好多牛肝菌、parma ham、parmesan cheese，忌廉汁好正！但稍嫌唔够菇味，如果净系叫佢做番茄忌廉汁既话会更符合我既expectation。我对意粉好有要求，呢度既就稍欠蛋香同口感，不过餐厅唔系专注于意粉就唔多作挑剔啦。
自家制意粉配parma ham、牛肝菌番茄忌廉汁
34 浏览
0 赞好
0 留言
我一日三餐都可以食鱼，Main course当然系 慢煮挪威三文鱼柳 配香草白酒忌廉汁 - 慢煮既关系全块鱼肉都好嫩，中间仲系淡粉红色😍 同煎三文鱼系两种完全唔同既口感，一啲都唔会干！好少可以喺其他餐厅依到依度菜，必试no.1😛
慢煮挪威三文鱼柳 配香草白酒忌廉汁
32 浏览
0 赞好
0 留言
慢煮西班牙杜洛克黑豚猪架配黑醋汁 - 全晚个人心水第二位！大大块猪架，虽然好厚，但完全唔会鞋，直情系嫩口呀。豚味浓，好似废话咁不过真系唔系成日食到，通常只会食到冇猪味既猪扒🤦🏻♀️ 配黑醋汁既特别又可以平衡番肉类既饱滞感。
慢煮西班牙杜洛克黑豚猪架配黑醋汁
39 浏览
0 赞好
0 留言
慢煮美国极佳级牛柳配黑松露菌汁 (5-course set $598，有八折) - 慢煮后入面似medium rare，juicy，好易咬。大家一致认为依度菜唔系整得唔好食，而系我地都prefer煎牛扒𠴱种外面微焦、小脆、肉质有咬口既口感，同带蒜头、香草既油香。慢煮则保留更多肉汁，牛味较突出，视乎个人喜好噜。
慢煮美国极佳级牛柳配黑松露菌汁
36 浏览
0 赞好
0 留言
三款主菜摆盘一啲都唔马虎。右边肉类上斜斜放上一串烧蔬菜，如车厘茄、翠肉瓜；左边有焗切片薯仔、焗芝士肉碎茄子、水煮娃娃菜、秋葵、pumpkin purée，每样都好好食。食得出大厨既一丝不苟，连配菜都一丝不苟，加分👏🏻
慢煮美国极佳级牛柳配黑松露菌汁
33 浏览
0 赞好
0 留言
食完主菜已经好饱，妈妈同我冇加钱要甜品，只一齐share 爸爸5-course set既青柠挞。印像中青柠味同甜度平衡刚好，挞皮亦合格。上次试左慢煮苹果卷都好推介，系差一球雪糕😆
成晚service都好好，侍应friendly又有礼貌。喺尖沙咀中环𠮶啲旺区以相同价钱一定食唔番依度既环境同食物质素。回头指数10/10😛😛
张贴
