旺旺烤活魚 (已結業)

天气好冻好冻，成日唔系打边炉就食鸡煲，今晚老公提议食烤鱼。。都好㖞！好耐无食过，加上我劲中意食鱼，咁岩揾到呢间烤鱼系油麻地就试下啦。。。我地5点半就去食，当时我地系第一枱客人，但系之后越嚟越多人，仲爆场添。所以记得要订枱，或者早啲嚟食。。呢个套餐超抵食！已经包括一份烤鱼，肥牛，蔬菜篮，仲有薯粉。。大概等30分钟就开餐啦！哇，一上枱劲香孜然粉味，我地点左招牌酸菜，唔会太辣，条鱼应该系先烤熟再放汤上去。条鱼唔算多骨，仲好大条！！烤鱼仲有好多配料，有豆卜，萝卜，芽菜，劲多酸菜。。套餐肥牛绝对唔系差，睇下肥瘦均匀，唔系薄薄一片咖，啲肥牛咬入口好有牛味，好食！蔬菜拼盘我一早就放哂落去，滚至最后淋哂好好味薯粉都系食到最后，放落去煮一阵就食得。劲qq，吸哂汤汁，完美！另外我地点左2份小食。。红糖糍粑，呢排系大热。软糯q弹嘅糯米糍炸到脆脆加上红糖，劲好食！鬼马双拼呢个系油炸鬼加上虾胶同墨鱼胶去炸。又系劲脆劲好食😂😂我真系好中意食炸野😍呢度啲卡位好阔落，座得又舒服。啲侍应姐姐都好好倾，见佢地好似有好多熟客仔，有讲有笑。餐厅应该仲有得睇波，所以都真系好旺。