影片
更多
2024-04-25
189 浏览
刺身🤩👍👍👍刺身选择丰富，我哋紧系叫师傅发办好似omakase咁，可以试到多啲少见嘅时令刺身。适逢春夏交替有只当造2星期嘅萤光鱿鱼、鲷鱼白子、池鱼薄切、日本生蚝同牡丹虾，全部都令我印象深刻，佢哋嘅刺身好新鲜，质素非常出色。尤其系萤光鱿鱼，弹牙得嚟爆汁，又唔会似渍过个种太咸，食得出鲜味。鲷鱼白子就系我呢季必点嘅时令刺身之一，师傅处理上面完全体现出功力，一般餐厅食到好易有腥味，但呢度嘅白子完全系0腥味又creamy，真系好想再食多一份，实在太太太正！池鱼薄切配上柚子醋完全恰到好处，鱼味鲜甜，点汁食更搭，系清新轻盈嘅口感。日本生蚝清爽略带点矿物味，果然日本生蚝名不虚传，细腻而纯粹嘅味道突出鲜味。牡丹虾从虾头膏位已睇得出非常新鲜，肉质软绵得嚟仲十分鲜甜，一食就知来货极新鲜。烧虾姑干虾姑干即系赖尿虾，虾干烧完后散发出浓郁香气，同香脆口感相辅相成，系一道好好嘅前菜小食。炸猪肉饺子外皮炸至金黄十分酥脆，内里嘅猪肉馅料鲜嫩多汁，绝对系一道令人满足嘅小食选择。粟米天扶良+沙追鱼天扶良天扶良相等于天富罗，粟米清嫩。沙追鱼鲜美肉嫩，同天富罗炸粉融合喺一起，配上自家嘅咖哩盐，呢个配搭真系几特别，食落都好夹。田
刺身选择丰富，我哋紧系叫师傅发办好似omakase咁，可以试到多啲少见嘅时令刺身。
适逢春夏交替有只当造2星期嘅萤光鱿鱼、鲷鱼白子、池鱼薄切、日本生蚝同牡丹虾，全部都令我印象深刻，佢哋嘅刺身好新鲜，质素非常出色。
尤其系萤光鱿鱼，弹牙得嚟爆汁，又唔会似渍过个种太咸，食得出鲜味。
鲷鱼白子就系我呢季必点嘅时令刺身之一，师傅处理上面完全体现出功力，一般餐厅食到好易有腥味，但呢度嘅白子完全系0腥味又creamy，真系好想再食多一份，实在太太太正！
池鱼薄切配上柚子醋完全恰到好处，鱼味鲜甜，点汁食更搭，系清新轻盈嘅口感。
日本生蚝清爽略带点矿物味，果然日本生蚝名不虚传，细腻而纯粹嘅味道突出鲜味。
牡丹虾从虾头膏位已睇得出非常新鲜，肉质软绵得嚟仲十分鲜甜，一食就知来货极新鲜。
烧虾姑干
虾姑干即系赖尿虾，虾干烧完后散发出浓郁香气，同香脆口感相辅相成，系一道好好嘅前菜小食。
炸猪肉饺子
外皮炸至金黄十分酥脆，内里嘅猪肉馅料鲜嫩多汁，绝对系一道令人满足嘅小食选择。
粟米天扶良+沙追鱼天扶良
天扶良相等于天富罗，粟米清嫩。沙追鱼鲜美肉嫩，同天富罗炸粉融合喺一起，配上自家嘅咖哩盐，呢个配搭真系几特别，食落都好夹。
田乐豆腐
豆腐炸至十分脆口，配上田乐酱汁即面豉酱汁调料，味道丰厚，软滑酱汁填满豆腐表面，咬落层次突出。
串烧👍👍👍
我特别推荐鸡肝串、鸭心串同鸡脚筋串。
鸡肝串
口感嫩滑，烧到表面微微焦香，入面仲好嫩，睇得出火喉控制出色。
鸭心串
烧鸡心食得多，烧鸭心真系第一次食，口感冇烧鸡心咁烟韧，有咬口得嚟食得几舒服，而且完全唔腥冇内脏味道。
鸡脚筋串
筋嘅弹脆口感令我有惊喜，唔会烧到干硬又保持到中意食软骨个种口感。
荔枝豚肉卷
配搭独特较少见，焦香嘅豚肉微脆，包裹住甜嫩荔枝，食落有几重口感，几有趣又好食嘅matching 。
日本青椒仔
烧得非常香，爽脆可口。
鸡胸软骨串
呢只软骨同出边一般嘅鸡软骨唔一样，鸡胸软骨顾名思义有鸡胸肉部分，食落比较嫩滑，软骨爽脆，又系啱晒中意食软骨嘅人。
浓汤虾乌冬👍👍👍
呢个乌冬系一个极好嘅结尾。虾汤汤底非常浓郁鲜美，乌冬煮得弹牙，虾肉鲜甜食得出系新鲜虾，组合一齐真系大满足啊！👍😍😍😍
呢间昭和风嘅自家料理居酒屋真系私心推荐！用料新鲜，配搭特别，师傅细心处理同火喉十分到位，少有实而不华嘅居酒屋，用硬实力取胜💯
张贴
