德美壽司

营业中

休息中

难得唔洗凑小朋友一日，梗系揾埋朋友仔一齐食晚餐喇～好耐无食日本野喇！今次黎到位于尖沙咀厚福街既一间高质日本料理餐厅－德美寿司。德美寿司以新鲜、高品质嘅寿司而出名，系中价位日本菜，款式应有尽有，味道又唔会马虎。－德美海胆鱼生饭呢款系招牌鱼生丼，有海胆、三文鱼、帆立贝、油甘鱼、蟹籽、三文鱼籽、虾、蟹柳，超丰富！玉子烧印上【德美】两只字～好精致！整体鱼生饭味道浓郁，每一啖都系享受～－寿司类今次我地order左油甘鱼寿司、帆立贝寿司同埋妈咪好好好钟意食既火炙左口鱼边寿司～油甘鱼食得肥美无筋，帆立贝大大只不过不失，左口鱼边寿司鱼油口感丰富，好好味！－三文鱼腩刺身一份有六件，大大件鱼腩！油脂丰富，好满足！－洋风鳗鱼班戟呢款系和洋fusion既一品料理，一客四件。软绵绵既班戟皮代替紫菜同埋饭，包住牛油果、芒果、鳗鱼、南瓜加埋沙律酱，酸酸甜甜好开胃呀～－清酒煮蚬今日天气有啲转凉，我地决定叫一个热辣辣既锅，所以拣左清酒煮蚬。清酒味唔会好浓，但蚬肉好肥美，我地一只接住一只咁食，好快就清哂食锅蚬～－手卷类我地分别叫左带子沙津手卷同埋海胆手卷，如果曾经食到好难食既Uni可能真系会以为都怕左，但今次食到既海胆都