至尊雲吞麵雞煲

营业中

休息中

今日去左屯元天都各有一间分店嘅 "至尊云吞面鸡煲"，除左主打有茶餐厅美食之外，仲有超平价两个钟任食鸡煲火锅放题，依度环境舒适，坐得舒服，聚脚好地方。任食鸡煲火锅放题 : 星期一至四每位$178/2小时，埋单每人唔使$200，认真抵食 ~首先系10款火锅汤底里面拣一款，有花甲鸡煲、酸菜鱼煲、咖鸡哩煲、萝卜牛腩煲等等，而我就拣咗最受欢迎嘅至尊惹味鸡煲，店员话大部份嘅客人都系拣依个锅，辣度有5款，唔想食辣野嘅我哋要左走辣，大概15分钟内店员就送上一锅鸡煲，份量非常多，睇起嚟唔止一只鸡咁少，鸡肉嫩滑够入味，都好厚肉，唔会有好多骨，调味又啱啱好，走辣都咁好味，仲可以无限任加鸡件。鸡煲食到大半就可以叫店员加汤打边炉，点餐纸有几十款免费追加食物 : 肩胛肥牛片、鲩鱼腩、豚肉片、鲜虾云吞、鲜牛肉、海鲜沙律丸、竹升面等等，款式虽然唔可以话多但都唔错架。值得一赞嘅炼奶炸馒头，即叫即整，外层松化，里面软绵绵，沾上香甜炼奶，食起嚟更美味  ;  仲有爽口弹牙又大粒嘅鲜虾云吞，食完再加单。饮品方面除左各式汽水之外，亦有罗汉果杞子菊花茶、豆浆、咖啡、奶茶、柠檬茶等都系免费任饮，拣左罗汉果杞子菊花茶，食完火锅清下热