牛站(駅)麻辣火鍋放題

营业中

休息中

天气转凉，又系时候打边炉，即刻谂起 CP 值高嘅牛站，今次拣咗新开嘅铜锣湾分店。餐厅座位超宽敞，坐得舒适。我哋拣咗个中价位嘅 SRF 美国极黑和牛套餐$288/位  (120分钟任食)哗哗哗～ 原本而家牛站新推出支竹羊腩锅底，好正呀～ 可惜朋友唔食羊，唯有下次再黎试。汤底拣咗胡椒猪肚汤，猪肚爽口，份量几多。 胡椒汤底辣辣地，好香胡椒味，而家天气凉凉地饮就最啱。酱料区有成十多款配料，任君选择。美国极黑和牛SRF入口肉质好嫰腍，浓厚肉香，肉汁丰富，因为SRF和牛比一般和牛多四倍榖饲时间，所以肉质同肉汁多远超其他和牛。美国牛肩胛片对比SRF和牛，则完全相反，肉质较为结实有弹性，咬落有口感。仲有新推出嘅腊味糯米饭、蛇羹 天气转凉，叹饭碗腊味糯米饭同蛇羹，成个人暖笠笠。蔬菜方面，不得不赞呢度连豆苗、冰菜、水莲都有得食，呢啲贵价菜，出面放题好少会见到有。海鲜方面，都有好多选择。我哋点咗沙白、青口、海虾、帆立贝。沙白鲜甜无沙，海虾弹牙。乳鸽、油炸鬼、午餐肉、炸鱼皮饮品方面，除咗一般汽水、冷泡茶。呢度仲有梅酒、清酒、白酒、烧酒都系任饮。甜品方面：有豆腐花、乳酪、芋圆、多款蛋糕、奶冻、糖果、爆谷、软雪糕