影片
更多
2024-08-27
812 浏览
之前食过佢个 lunch，觉得 $60 有个面有个小食仲有杯饮品几抵, 个量又足，加上之前餐厅送左张食满 $300 送一客豆沙窝饼嘅券俾我地，所以决定会一会佢个晚餐!我地7点到餐厅, 入座率已经超过一半。一坐低，店员就奉上3杯热荞麦茶俾我地。我地先叫左花雕醉鸡、小笼包、麻酱腐皮卷同水煮牛肉，试下个份量先。花雕醉鸡 (半只) 好香花雕味，食落都好重酒味，鸡肉够滑小笼包 一笼有4只，皮薄多汁，食得出系用新鲜猪肉做馅麻酱腐皮卷 一碟有6件，用鲜腐竹包住d木耳丝、芽菜同红萝卜丝，由于本人中意食鲜腐竹，基本上佢用鲜腐竹而唔系用炸腐皮黎包住d料已经加左分，但由于全部都系原材料本身鲜味，唔系好需要其他调味或火候，不过见佢包得几实，唔会一夹就散开，就俾返4分佢啦(p.s. 中意食浓味嘅人可以skip呢道菜)水煮牛肉 食第一啖觉得偏辣，但因为本身肉类唔挂汁，所以食落又唔会真系觉得好辣 (起码d辣咪唔会累积太多喺口腔内)。牛肉无用梳打粉死乸烂乸食到牛肉应该有嘅质感呢个要加分! 牛肉份量都几多，但以配料黎讲，除左芽菜同菇，其他云耳、水晶粉皮嘅量就略嫌偏少。(如果佢可以俾人加少少钱加水晶粉皮就无得弹啦!)食完
我地7点到餐厅, 入座率已经超过一半。一坐低，店员就奉上3杯热荞麦茶俾我地。
我地先叫左花雕醉鸡、小笼包、麻酱腐皮卷同水煮牛肉，试下个份量先。
花雕醉鸡 (半只)
好香花雕味，食落都好重酒味，鸡肉够滑
小笼包
一笼有4只，皮薄多汁，食得出系用新鲜猪肉做馅
麻酱腐皮卷
一碟有6件，用鲜腐竹包住d木耳丝、芽菜同红萝卜丝，由于本人中意食鲜腐竹，基本上佢用鲜腐竹而唔系用炸腐皮黎包住d料已经加左分，但由于全部都系原材料本身鲜味，唔系好需要其他调味或火候，不过见佢包得几实，唔会一夹就散开，就俾返4分佢啦
(p.s. 中意食浓味嘅人可以skip呢道菜)
水煮牛肉
食第一啖觉得偏辣，但因为本身肉类唔挂汁，所以食落又唔会真系觉得好辣 (起码d辣咪唔会累积太多喺口腔内)。牛肉无用梳打粉死乸烂乸食到牛肉应该有嘅质感呢个要加分! 牛肉份量都几多，但以配料黎讲，除左芽菜同菇，其他云耳、水晶粉皮嘅量就略嫌偏少。(如果佢可以俾人加少少钱加水晶粉皮就无得弹啦!)
食完第一转，未够喉，继续叫左炸馒头、锅贴同沙锅云吞鸡
炸馒头
外脆内软，炸到金黄色，无论卖相同内涵都有齐! 美中不足嘅系: 炼奶太浆，唔系好点到落个馒头度，如果加返少少水开稀一点点就100分!
锅贴
一碟有4只，都系食得出系用新鲜猪肉做馅，个底煎得够脆但咬落去又唔会成口油 (其中一个朋友觉得个皮厚左少少，但我觉得皮嘅厚度适中，太薄会做唔到饼干果种松脆度)
沙锅云吞鸡
只鸡好嫩滑，唔会话淆到老晒；云吞皮薄，馅够鲜甜；菜胆份量够多；鸡汤略嫌唔够浓，估计因为要保持只鸡嘅嫩滑度而牺牲少少汤嘅浓郁度 (始终唔系个个都会饮晒d汤)。
食完呢堆野，我地3条友已经饱晒，但仲有个送嘅甜品要上，就惟有食埋佢
豆沙锅饼
略嫌唔够脆同轻微甜左D，但都系好食嘅，够脆、食落口唔会成阵油益味!
食饱饱本来想坐多阵倾下计，但餐厅D人流真系骆驿不绝，我地只好叫埋单。埋单果刻，店长问我地做乜唔坐下先? 我地同佢讲出面有人等紧，唔好阻你做生意 (都真系估唔到D人入极都有，仲要系星期一晚)
总括黎讲，小店黎讲︰食物质素高，服务好，有人情味，价钱唔贵之余份量仲好足 (人均消费 $220)，CP值真系好高! 建议大家可以定期去帮衬一下，等D小店可以长存。
花雕醉鸡 (半只)
4 浏览
0 赞好
0 留言
麻酱腐皮卷
103 浏览
0 赞好
0 留言
炸馒头
8 浏览
0 赞好
0 留言
水煮牛肉
37 浏览
0 赞好
0 留言
沙锅云吞鸡
16 浏览
0 赞好
0 留言
锅贴
29 浏览
0 赞好
0 留言
豆沙锅饼
365 浏览
0 赞好
0 留言
张贴
