俊軒越南餐廳

营业中

休息中

发现公司楼下开咗间越式小店，有我钟意嘅越南汤河😍我哋二人order咗三个set，大家share嚟食，就可以食多啲款啦！招牌火车头汤河～汤底浓郁，入口回甘，河粉可以完美吸收汤汁，好入味！配料丰盛，有熟牛、牛筋、牛丸、牛柏叶、生牛肉。牛肉和牛筋口感非常嫩滑，牛丸有嚼劲，整体口感丰富。越式猪颈肉捞檬好啱夏日食，猪颈肉表面微焦，混合越式酸辣汁，我钟意加埋柠檬汁，口感非常开胃清爽。招牌海南鸡饭配盐油姜黄饭饭粒色泽金黄，充满香气，略略觉得如果饭粒再软身少少会更好，海南鸡饭份量都几多，我哋两个人都食咗好多件，皮薄，肉质嫩滑，唔错！