神燈海鮮酒家 (18廣場)

营业中

休息中

同好耐无见嘅朋友聚下（成几个月啦阴公），今晚真系正能量爆灯！订左位，好快就入座，由入门口至上菜招呼都几好。哗个柑桔酱烧虾球 $128爽口兼大只，酸酸甜甜又有少少清新，推介～我最钟意「炸炸」声嘅啫啫煲，啫啫生菜煲 $108就岩哂，上菜连隔离台都话「好香」！唔系讲笑，色香味全～师傅劲，整到只椒盐猪手劲香酥，外层味道似「x大大鸡扒」，一口连埋里面嘅骨胶原，非常满足！ $46/件咋！好鬼抵食～呢两样朋友叫嘅。水煮深海鳕鱼柳，望落以为我会食唔到，非常浓烈麻辣香气，里面有滑一滑嘅鳕鱼柳、薯粉、云耳。原来味道一d都唔辣，而且香味留喺口中好耐，几好味。个榄角蚬肉炒饭，干身，有镬气，多蚬肉，有水准！部长忙个不停喺鱼缸捞长脚蟹、龙虾、鲍鱼，新店都咁好生意，衬未有太多人知黎多几次先得。