尚廚

营业中

休息中

今晚食完紫粤轩，由于有朋友加入，大家又有些少口痕，加上见到酒店房入面有外卖自取嘅宣传单张，而我哋房间嘅DinningCredit仲有剩，于是我哋决定叫外卖宵夜。尚厨嘅外卖自取相当抵，酒店住客八折之后一个凯撒沙律加饮品都系50几蚊，观塘𠮶间沙律店都唔得啦，虽然外卖，话晒都系酒店餐厅啦。 海南鸡饭成为78.4，鸡同饭都系正常嘅，但佢就用咗一个非常之唔配衬嘅眉豆莲藕汤。我总系觉得如果海南鸡饭唔系配菜干鸡珍汤就唔系一个完整嘅海南鸡饭。凯撒沙律都好爽脆，不过我唔系好钟意佢啲面包粒，用麦包之余又唔够松脆。呢个$70既公司三文治都相当唔错，薯条炸得几好，三文治入边有蕃茄烟肉生菜蛋同鸡肉，并无欺场。作为酒店入面嘅Allday Dinning餐厅，算系唔错。