阿拉丁咖喱屋

营业中

休息中

有日行过呢条街，系街上面闻到阵好香嘅咖喱味，台头一睇，原来阿拉丁咖喱屋就系上面，即刻想揾日去帮衬一下。咁岩今日屋企无煤气煮唔到野，就同阿妈来左呢度食午餐。行左两层消耗左啲体力，一推开门一阵好香嘅咖喱味就扑鼻而来，肚子都即刻打哂鼓。睇完餐牌之后，我哋都不约而同地拣左咖喱羊（Curry Lamb），一个配白饭，一个配印度薄饼。热饮就拣左热奶茶。佢个咖喱好香，而且辣度适中，平时食开啲印度咖喱香草味会太浓，不过呢间就唔浓。入面啲羊肉炆得好林，又唔稣，煮到入哂味。粒咖喱薯仔虽然得一粒，不过好粉而且炆到入哂味。如果多啲薯仔就好了。啲白饭好甘香，捞埋啲咖喱好味。至于啲印度薄饼就好大块，热热的好新鲜。撕开啲印度薄饼来点咖喱，啲饼索哂啲汁，口感同味道都好好。个人觉得啲咖喱送印度薄饼好食过送饭。杯热奶茶嘅茶香同奶味都配合得几好，清清地，一啲都唔heavy。整体来讲，呢个午餐围返都系$52一人，算系合理。