Pickabowl (D2 Place ONE)

营业中

休息中

前一日喺OpenRice search荔枝角有咩好食，见到呢一间餐厅卖健康沙律餐，卖相好吸引，于是买外卖返屋企同家人食。因为有好多唔同食材拣，种类五花八门，我企喺餐厅门前都有一段时间，服务员好亲切咁样介绍食材俾我听，见我唔系住喺附近，又系见工面试后去帮衬，佢哋俾多啲食材我，又比我试吓吞拿鱼(家人叫咗三文鱼)。如果迟啲有机会再嚟荔枝角嘅话，一定会再帮衬支持。夏威夷海浪三文鱼$76- 配菜有番茄、青瓜、甜椒配黄姜椰菜花和白饭。食材好新鲜，三文鱼、吞拿鱼都切得好大粒。黄姜椰菜花切得好碎，好容易入口。健康沙律份量足够，赞！DIY 自选$84- 我选择泰式青柠大虾、蒜辣八爪鱼、红菜头（红菜头、甜黄椒、红腰果、青豆），黄姜椰菜花同糙米饭。大虾用泰式香料腌制，加上青柠味道令到虾肉好清新。蒜辣八爪鱼就啱啱相反，蒜蓉令八爪鱼重口味，同埋有辣油腌制，食八爪鱼同底下嘅糙米饭同椰菜花有麻同辣劲，非常刺激。红菜头口感爽脆，味道清甜，感觉非常健康，推介！