DALLOYAU

营业中

休息中

今日心思思想食个下午茶，不过唔想食太heavy𠮶啲茶餐，横掂好耐冇食西饼，不如去食返件饼。喺IFC众多高级品牌饼店拣左DALLOYAU。买单件饼都有个纸袋仔外卖自取连盒都有，仲要系有透明胶纸𠮶只，真够高档喺芸芸口味当中拣左件Raspberry Chocolate Cheesecake。DALLOYAU啲饼都唔系第一次食，次次都满意，当然价钱有返咁上下，质素先咁有保证。呢款Raspberry Chocolate Cheesecake蛋糕造型本身已经系一个小蛋糕，外面系有弹性得黎好滑溜既芝士慕丝，加入左粒粒Hazelnut朱古力蛋糕粒，可惜芝士味唔算浓，可能因为用左忌廉芝士既关系。蛋糕上面有一粒新鲜覆盘子同朱古力酱连朱古力牌仔点缀，朱古力系用法国66%黑朱古力，个朱古力牌梗系印咗DALLOYAU个大名。蛋糕入面有覆盘子同朱古力夹心，应该加入左少少Baileys Wine，不过食落唔觉。靓就几靓，味道都几好，食落唔觉腻。不过对比呢个$68既价钱，我把尺会高啲，就只能俾OK。下次希望试到更令人惊艳嘅款式。