DUO Patisserie (已搬遷) 新店位置

适逢我生日，朋友想同我庆生！好可惜嘅系人大左真系食唔到咁多甜品，所以几个人都只系想一件件个细细地嘅蛋糕。所以今次呢间蛋糕店就真系合晒我哋心意啦！我发觉其实好多呢啲嘅小舖其实都有好好嘅品质，所以你话呢今时今日啲铺租系唔系杀晒香港人嘅技能啦！不过好好彩仲有一啲小小嘅空间比一啲有才华嘅香港人去发挥一下！今次叫咗五件cake，讲真生果𠮶两件呢就冇乜特别啦，但另外果三件都非常之有特色，而且味道亦都非常出色！黑白云石色𠮶件呢系Bailey味道，坦白讲唔系好识得出，但系净系睇个样都赢晒！二啡色云石色𠮶件就系溜心朱古力，最好嘅系佢唔甜啊！我谂啱晒一众嘅中女🤣🤣但系我最欢喜嘅都系剩返嘅𠮶件，系朱古力香蕉蛋糕，香蕉熟得来唔会太稔太烂，好香甜，而佢上边嘅朱古力片，竟然系有少少烟韧架！口感好有趣！几件cake加埋都唔系太贵，所以好适合突然间想食甜野又唔想咁甜嘅你！