餃掂手工餃子雲吞專門店

又系想食饺子嘅日子啦，系旺角就紧系去我最爱嘅饺掂手工饺子云吞专门店食饺子同佢个冷面啦。见佢系荔枝角道开左间分店就去识下啦，应该都唔会有咩分别架啦。入到去，叫左最爱嘅双拼汤饺(因为本人好中意佢个状元九鼎汤)韭菜猪肉饺拼粟米猪肉饺同四川凉面。 佢个四川凉面都好味嘅，重好大碟添。但系佢个双拼饺就令我好失望啰。个饺子皮比平时食嘅厚，而且觉得唔系好新鲜。啲粟米唔甜又冇乜味。重有个汤好淡，水多料少。下次都系要去返界限街果间食。不过间店系好光猛嘅。