花丸 (已結業)

多年前已经试过自己整小丸子。今日突然心血来潮想食就上网揾吓有咩好推介。尖沙咀花丸有大量好评，就黎试下咩料。一入到去唔会有烟雾离漫嘅感觉。值得赞一下。一坐低店员就为我地作详细介绍，店员会关心我地嘅口味有乜嘢唔食有乜嘢食而做翻一个推介。分别叫咗唔同嘅嘢食试一试。首先系小丸子，枱上面有煮食方法。简单易明，容易做出美味嘅小丸子，配上唔同嘅酱料，认真野味。每一次转唔同嘅嘢食就有唔同嘅煮食盘。蜜糖黑胡椒豚肉，新鲜柔嫩。盛合御好烧，唔同嘅配料煮成海鲜饼，不错不错。黎到必食嘅玉子烧！蛋香传入鼻已经不得了，再食口，入口即溶既感觉，你懂的！屋台风炒面，杂菜加蛋配上油面，加上系自己炒，顶呱呱！系饮品方面，柚子梳打，清甜解渴。如果钟意煮嘢食嘅朋友不妨来试吓㖞。