Fuze Bar

营业中

休息中

呢间好推介俾一大班朋友过嚟饮酒，虽然佢嘅地区位置比较旺，喺兰桂坊嘅楼上，但系如果大家唔钟意兰桂坊咁嘈而且咁多人嘅环境，大家可以上呢间bar，环境几大而且可以包房，有啲日子仲有DJ添，仲有酒桌游戏，想玩到通顶都冇问题😆叫咗两杯Cocktail，一杯甜一杯酸，因为都系叫店员推介俾我哋，所以两杯都几钟意，酸酸哋个杯饮落去好Fresh，女仔应该会几钟意，而且饮饮下你会发觉越来越多，因为沙冰慢慢溶，慢慢亦都会多番一杯🤣👍🏻好抵饮。而另外一杯系苺味，味道唔会好药水味，甜得来易入口，酒精味亦都唔会太重。最尾饮饮下就真系觉得太肚饿，叫咗款pizza，都唔知系因为自己太肚饿定真系太好食，因为佢哋嘅饼底好香口，而且芝士味好浓（五重芝士）所以我自己一个女仔食晒成饼都觉得唔够喉😗